Si Panjang Balikat – Anang Ardiansyah


Me, Me kambing makan kulit tiwadak
Babaju handak bingking bagawi kada handak
Ngarani si panjang balikat
Ngarani si panjang balikat

Kambing balang makan daun hambawang
Salipi handak kancang
Pangulir balalawasan
Manyisit ka urat tulang 2 X

Papadah nang tuha tuha
Pamali manguliat rahat makan
Tabiat panjang balikat
Maungut sambil basangga wihang
Balingkur bahaharian
Teh kupi kada kasurungan

Kambing hirang
Janggut janggutnya panjang
Ngalih maayun tangan
Alasan baburagan
Marugiakan Pambangunan 2 X

Disclaimer : Lirik lagu Si Panjang Balikat – Anang Ardiansyah ini adalah hak cipta / hak milik dari pengarang, artis, band dan label musik yang bersangkutan. Seluruh media termasuk lirik lagu ataupun Chord lagu yang terdapat disini hanyalah untuk media promosi dan pembelajaran. (17935)